$恒生指数(HKHSI)$
最近港股十分震盪,在區間29700-30200中不斷頂底互試, 跟得太貼炒期指, 就會左一巴右一巴。升又升唔穿, 跌又跌唔落, 上周四收市後夜期又回升至30,087, 加上周五內地股市又造好先跌後回升, 收3,274, 距繼續尋頂突破3,288只差一步。原以為今日內地股市能順勢繼續尋頂, 豈料今日高開後又大幅跌1.7%, 收報3,215。

而富時中國a50亦正在跌478點(-3.36%), 報13,742。

根據內地股市及A50情況, 港股又回歸50%續升50%見頂的情況。不過還有一個顧慮是長假因素所導致的反覆市況, 以往2015年大牛市及2018升市都是發生在長假後, 撇除長假因素, 高位30,200是拉鋸得太久, 有資金減持沽空,是值得沽空的時候。

上周四又用了40%資金建倉沽國指, 假後操作很簡單, 再破頂就平一半減輕負擔, 點解係一半?因為驚市況又假突破操作過度頻繁。如果真見頂, 就先望50天線, 恆指是29,050, 國指是11,446, 或者20天線, 29,554 / 11,586, 到價位時再分析該價位的price action。