周四恆指低收29936,但周四夜期造好, 收30,116, 加上周五美股進一步做好, 所以ig黑期預示周一會高開於大概30300。
現時可看到升勢仍偏穩定而緩,周四期貨小時圖成交早上於298測底, 夜期於300測底, 暫時未見阻力或到頂訊號。
既然以前所述過的298巳升穿, 現時在沒有訊號可見情況下, 就唯有假設上年四至五月的前成交密集區頂部310為下一阻力。
目前市況主要受中美三月份經濟數據好於預期所刺激, 另外中美貿易和談都似會在四月完成, 所以四月預計會繼續夾淡, 先假設30,300不是頂, 4月大可能會先藉種種利好消息夾上31,000, 所以以造淡博頂搵食嘅我會繼續等, 特別是之前在285出過震倉後未見任何不利訊號, 所以做淡暫不宜進取。
如果周一高開但徹底回補裂口, 才有需要再修正預期。

點解我仍固執於造淡? 因為
1)部署博頂成功的回報豐厚, 預期為2成。現時這水平, 十分不宜重倉博, 故會限制回報, 但博見頂的話我就會夠膽重倉提高回報。
2)銀行工作本巳有固定月薪, 加上今年老闆大幅加薪, 故不急於要交易盈利養活, 不須迫自己要像基金一樣每月保持盈利向投資者報告。
3)指數好經濟好, 經濟好銀行好, 花紅都好。

如果將市場投機跟自身工作收入一同管理, 那我的沽空策略其實等同在部署對沖自己份工的收入。

$恒生指数(HKHSI)$