$南华金融(00619)$ 好文章，值得留意！


南華金融（619）自1月底發假盈警（全年見紅但虧損收窄）後，股價不尋常地攀升，至今累積升幅達七成。當大家摸不着頭腦之際，權益披露話咗答案畀大家知。

周二權益披露顯示，楊榮義在南華金融嘅持股，已超過5%須披露水平，最新達5.25%。誰是楊榮義？深圳榮超地產董事長也！「地產商搞證券行？好難想像喎！」楊榮義身兼深圳市企業聯合會及企業家協會副會長，投資向來有一手，數字永遠唔呃人，根據資料顯示，其身家由2014年嘅60億人仔，爆升近倍至2015年嘅100億人仔，並打入新財富500富人榜，堅！

呢位深圳大紅人，入股南華金融為乜？冇人知道，但佢最高增持價達0.106元，較現價高出一成，志在必得味濃。南華金融曾經傾過賣盤，現價仍低於每股NAV及供股價，咁啱中國經濟工作報告又提到，深港通今年會開通……上述東西有甚麼關係？自己聯想吧。

畀多個數據大家︰楊榮義在港持有一千零一隻股票，叫做滙友資本（8088），當日佢持股曝光後，一個月爆升三成！