股市近排都無咩聲氣，唔止大市悶爆，連新股都好頹，最新消息有巨無霸$科士威集团(00288)$ 因招股反應淡如水，而要大削集資規模同延後上市，巨無霸即刻變小無霸，連噱頭都無埋，難搞！
臨近5月，除Sell in May成為股民焦點外，「五．一」黃金周都唔可以忽略，皆因零售股係龍係蟲，好睇呢種大時大節。自由行依家都變成本地消費第一梯隊，化妝品鋪、藥房金鋪成行成市，內地人識買當然係買呢，黃金周又會有一大班米飯班主落，零售股當時隨時炒起。 不過，業界都擔心自由行同黃金周效應正逐漸褪色，內地人消費力度已經不能同以前同日而語。來港消費豪客愈來愈少，加上反貪影響，好多人都唔敢對黃金周寄予厚望。若零售數據出到真係好一般，咪學蘇局長咁講，包容囉。
講番個擂台，黃謙智上星期憑$新天绿色能源(00956)$ 同$京能清洁能源(00579)$ 莊做台主，今期佢揀利福（01212）同$卓悦控股(00653)$ ，兩隻都係黃金周概念股，對自由行財力有信心者，不妨跟進。 發記
利福見底可追入
上周排名：1上周得分：+6上周選擇：新天綠色（00956） +2.90% 京能潔能（00579） -1.84%
大市展望：港股反覆向下，更跌穿多條平均線，港股缺乏利好因素，相信後市要考驗22000支持。
黃謙智海通證券
