$金力集团(08038)$ 依家股價已經接近招股價，可以話係大受低估，短期內或將迎來反彈。
都市日報 | 2015-06-16
報章 | P25 | 財經 | 金錢帝國 | By 彼德大帝

金力反彈在即

之前「一帶一路」帶動基建股熱潮，而國務院近日發布嘅國策「中國製造2025」，相信亦會帶動相關概念股熱潮，大帝發現近期新能源設備股已悄然炒起，新能源車股龍頭比亞迪(1211)上周尾段大升一成，風電設備股金風科技(2208)亦升逾6%。咁最近嘅上落市中，熱門新國策「中國製造」短期料成資金炒作主題，相關股份值得留意，而最近上市嘅創仔金力集團(8038)，食正環保新能源概念，值得留意。

「中國製造2025」規劃提出用十年時間，提高製造業創新能力，重塑中國企業國際競爭力。概念對設備股利好，尤其同時受惠環保嘅新能源設備股。本港上市嘅新能源設備股中，主要包括兩類，一係新能源汽車，例如比亞迪、中國動力控股(476)等；另一類主要為新能源電力設備股，又可細分為風電設備股、核電設備股同光伏股。而電池概念股，接力新能源設備股炒風，已出現不俗嘅升幅。

本港上市嘅電池股稀缺，其中比亞迪，比亞迪電子(285)及五龍電動車(729)三隻市值都過百億，剩低嘅都係幾十億市值。金力主打無汞、無鎘及無鉛嘅無公害物質電池，為國家提倡嘅環保型工業，現市值四億出頭，上望空間可觀。另外公司派息穩定，最近兩年共派息數千萬，如此慷慨喺創業板少見，而且公司2014年純利增幅高達77%，可見金力質素甚佳，依家股價已經接近招股價，可以話係大受低估，短期內或將迎來反彈。