$非凡中国(08032)$ 今日議題係，董事員工行使購股權對股價有無影響，我根據有限嘅知識推斷如下，鑒於年報第52頁所披露嘅歷來6個批次嘅購股權嘅行使價，今日行使嘅500幾萬股係2013.7.2授出，行使價0.5果批，之後授出嘅三個批次行使價分別為0.8，0.8同0.94，所以除非你係，都無可能現在行使。好了，大家設身處地想下，如果你手上有行使價0.5嘅幾百萬購股權，今日行使，聼日賣或者等收息，都穩穩50%以上回報落袋，何樂而不為呢?當然，都可以合理估計，這500多萬性子急嘅這個禮拜已經可以食糊，有耐心嘅可以等下個月派息落袋即走，這部分沽壓有幾大自行衡量，另外，經過口算年報第48頁2013.7.2這批次供股權在2018.12.31仲有92.38M未行使(其中董事手上有52.88M)，這個月行使左其中5.72M股，這批次嘅供股權到期日係2019.7.1，我估計如果這個月股價繼續炒上，行權嘅誘因越強，陸續都會有人行權。潛在風險係，如果某一日升到一個形成共識嘅高位，行權人集中食糊，會造成踩踏事件，股價大幅調整。不過，對於睇好長期嘅人來講，又係一個好好嘅上車位。