2018-05-26 20:39
這是其中一種莊家應付披露易網站的技倆。
當暗手代莊家收完貨後,有兩種方法可以隱藏返其手影:
第一種是响收完貨後,响下炸返畀其他冇咁揚眼的暗手,好多時莊家會利用返散戶至愛的銀行盤來收返啲暗手貨。過去小弟炒過多隻的十倍升幅股,莊家都係用呢招反覆震倉同收貨。
第二招係暗手收完貨,隨即填定張轉倉紙,轉返去莊家指定的倉存放。
(按:AB兩個倉同樣是以暗手X名義登記。)
由於買入和轉倉都在T+2後同時進行,故此在披露易網站上,1+1-1=1,大家可能只見到一些散戶行增持,卻未見該日在即市响買盤接貨的券商增持。
所以,分析股票時,中央結算系統的變動,應視作輔助分析,而不是因為CCASS異動才分析某隻股票的財技。
有時候,大家响CCASS看到的變動,都是莊家刻意安排的。
小弟曾驗證過買入後即由A倉轉B倉的呢招,的確奏效。