[1675]

今朝扮緊工既時候唔覺意見到有宗盤前交易幾吸引我眼球，同前兩日既#3798一樣，又係有D特別大成交上榜。上次3798係特別價低，今次係特別價高，1675昨收$11.4，今朝有個'P盤' @$13 , 6200萬股上板，即係大約$8億，以百億市值計都超過5% ，散戶應該第一時間就係搵資料，我當然都係一樣...不過睇左兩個財經網站都冇消息我就放棄喇，之後就望望AO價，見到仲係$11.56心諗唔通有伏......

邊個會用$13買噚日仲係$11.X既股票，應該點都唔會係散戶，咁就第一時間諗搭一轉順風車...但跟車前都要諗搭錯車點算，望望噚日低位$11.2，開市追止蝕都係幾%咁就決定開市前追入。到大約10點開始有新聞，原來係有基金入股，入股價就係$13....呢個位對於短炒既股友應該都幾重要，大家都係望住黎食糊，我就貪心D仲持有睇下有冇多D驚喜，如果唔好彩下星期低過今日既底就閃人...如果有幸再展升浪就等買入訊號加註...。

小弟唔係一見特別盤就行動既人，只係咁啱呢兩次都有出貨同入貨既好機會而止蝕位又近所以先行動，3798沽錯就用當日頂買返，1675買錯就用今日底止蝕。

PS: 今日1585 / 1137 都跌穿止蝕位，唔捨得都要拜拜先...佢地再有買入訊號再關注。

# 純粹分享，不涉及投資建議

$亞信科技(01675)$ $香港電視(01137)$ $雅迪控股(01585)$