过去一星期相信有货既朋友应该好开心，个股好似进入牛三阶段，强股反地心吸力而行有如脱缰野马，只要唔止蚀好似股价系一定会升咁......小弟无意阻大家发达，但请严守止蚀。
作为老散仓底总有一两只(或者更多)千年蟹货股，我当然唔例外，下图系其中一个屋企人户口，# 907系输左96%...你冇睇错，系96%.....即系$100输到得返$4，你话要升几多先可以返家乡?系25倍呀.....要升25倍先可以返家乡咋，我谂等多十年都唔知做唔做到🙈
呢度有少少样野想讲，首先系止蚀既重要性，止蚀系保障本金既一条重要防线，相信几好既买入方法都会有失灵既一次，如果今次唔好彩买入方法失灵但又过份自信而唔理市场发出既讯息，后果系可以好严重。
另外，市况好唔等于全部股票都会升，以907为例见顶日系26/10/2017而大市见顶日系29/1/2018相差大约3个月，如果唔理个股走势麻木相信牛市一定会升，损失一定系自己。
至于大市好似势如破竹，个股又升到嘭嘭声咁.....系咪要冲入市呀? 入市要讲值搏率，望望幅图.......其实刚刚突破区间但上面又一大个阻力位，如果大家之前有跟本页一路买买买当然恭喜啦...我暂时会睇住29/6既低位做止蚀(个别股份如果有沽货讯号亦会走但暂时未有)，如果大家想食糊我都唔会阻止大家，因为走货真系好高技巧，小弟自问都唔算做得十分好，况且有跟入既都应该有唔错既回报...点走都无所谓。
至于未有货既朋友，真系有D尴尬，如果好想买就尽量买一D止蚀唔远又处于上升轨既个股.......千万唔好贪平买一D下跌途中既股票，你永远唔知边度系底，过于兴奋同恐慌既气氛都会容易做错决定。
# 纯粹分享，不涉及投资建议
# 唔好问我点解会唔止蚀，知就唔会输足9成啦...🤣
$恒生指数(HKHSI)$ $腾讯控股(00700)$ $高雅光学(00907)$
