$庄士机构国际(00367)$
$爪哇控股(00251)$
港股重越二萬一，但市場氣氛未見特別旺，都係得最忠心的炒鬼敢落場，普遍散戶仍然企埋一邊食花生，但審慎還審慎，太早睇淡絕對係死罪，miss咗賺錢機會都算，太早落手造淡好易被挾爆，難以守到證明閣下方向正確的一日。
近月市況所見，大股東為刺激股價向上，可唯法寶盡出，萬達（3699.HK）、匹克（1968.HK）、奧普（0477.HK）、TCL通訊（2618.HK）等大陸企業，把心一橫私有化走人，回歸估值樂土A股。資產豐厚的本地薑就玩賣產，近月先有爪哇（0251.HK）賣大新金融中心，過去一年股價累積升6倍；最近又有莊士機構（0367.HK）擬21億元洽售山頂物業，齋計呢件已等於集團市值，股價立刻飛升。由此可見，有意賣資產的低市值公司，其中一間係亞洲聯網科技（0679.HK）。
亞洲聯網5月尾開始出現異動，由0.75元開波，炒到本周三（8日）的1.11元，升幅48%，但市值仍僅4.7億銀，業務唔計，土地廠房唔計，齋計殼價都未到呀陰功！
6月5日，公司出通告話，正洽售兩幅深圳光明新區公明的土地。據年報資料，集中於公明持有四幅土地，總地盤面積1.26萬平方米，總樓面面積可達3.78萬平方米，以5月深圳賣地平均每平方米成交價4.47萬元人民幣計，公明地皮已值5.6億人仔，連同持有市值至少10億人仔的龍華地皮，齋計地皮都值15.6億人仔，折合18.4億港元，加埋流動資產4.67億元，就係23.07億元。現時市值計足足折讓80%！
觀乎大股東目前持有近60%股權，筆者估計，如成功出售公明地皮，集團大有機會豪派一次特別息，再為日後賣殼鋪路。可以說，今次賣產只是大龍鳳的序幕，大可小注坐遠一點博中jackpot，以資產值折讓50%（11.5億元）為目標，可見2.7元。
#即買即中#魏力#
