$中昌国际控股(00859)$
文章搜索
Toggle navigation


【活捉走地股】中昌國際859手持20億物業 債主隨時「拆骨」兼派高息
日期：2020-02-20更新時間：12:25:40
傾緊易主嘅中昌國際（00859.HK）今日見異動，話唔定係有好消息準備出爐。單係公司持有銅鑼灣、西半山嘅物業，市值已經近20億元，係公司市值4倍水平，計埋殼價因素，公司應該值2.3元水平。

859早係2017年已經有意賣盤，到2019年大股東一批押記股份出現違約事件，由債主信達（香港）接掌該批股份，涉及74.98%股權。

而債主當然係想成隻易手套現，今日中昌低位突然開炒似係好事近。859手持銅鑼灣渣甸街優質物業，最理想當然係搵一個有實力嘅買家成隻接手，例如國企內房或有實力中資買家，都有機會令隻股價值飛升。信達作為中國四大「官方收數佬」之一，絕對有條件做到呢個動作。

但信達亦有另一個做法，就係將859「拆骨」，先沽手上物業、派高息，再將859賣殼。

截至2019年9月底，859資產淨值高達21.16億元，其中投資物業、可供銷售物業等，合計達27.1億元。

假設859平賣物業套現20億元，派返15億元畀股東，每股可望獲派1.33元，係現價2倍以上，所以保守計，859都值1.5元樓上。

最理想情況下，有機會升穿2元以上水平，相當於每股NAV1.88元，加上殼價每股值0.44元；亦即2018年急跌前的水平。