$中国飞机租赁(01848)$ 港股策略王- 名家專欄
【井噴上升】當飛機遇上風（火燎森）（第96期）
2016-10-31 18:00:33

今次想介紹嘅係中國飛機租賃（01848.HK），單睇個名就知道中國飛機租賃嘅行業係做飛機租賃啦，呢度細睇一下中國飛機租賃嘅成長之路，中國飛機租賃係2014年上市，中國光大集團係其主要股東之一，中國飛機租賃經營模式係先以短期借貸向飛機製造商支付PDP買飛機，然後轉租飛機畀航空公司，再用航空公司嘅租機合約，向銀行申請批出長期貸款，支付收購飛機成本付款餘額，2016年中國飛機租賃嘅機隊增至70架，而集團預期，增長率可保持在20%，2022年擴充到173架飛機，早前公佈咗中期業績，16年營業額10.27億元，按年升61.49%，純利方面更按年大升一倍，達2.4億元，每股盈利0.392元，中期息派0.14元，睇完咁靚嘅業績，再睇睇中國市場行業預期，2030年中國大約要有6000架飛機，價值高達8700億美元，而當中估計有4-5成嘅需求，係會由飛機租賃公司去滿足，初步計個市場至少達4000億美元，所以近呢幾年大家都聽到唔少富豪級別嘅投資者，例如 : 小弟偶像，誠哥等，都紛紛走入飛機租賃市場，點解？

1. 產品融資能力強，一般銀行及投資者都願意為飛機呢類實物提供借貸，而公司發債方面亦比較容易及順暢。

2.租客質素高，飛機9成9係租畀航空公司，航空公司多數都係國家隊，等於租客其實係政府本身，而航空公司為咗保持好嘅資產負債底下，租買比率大部份都會保持係5:5，即係話長租長有，3. QE+脫歐後有厘數嘅投資產品買少見少，市民就話買樓收租，買高息股保值，但數以百億計嘅錢又點算呢？所以難怪大戶都爭相湧入市場，而食正風口嘅中國飛機租賃就更不在話下，行業資本回報有十幾厘，左扣右扣下，淨係租飛機都好做到不得了，而且中國飛機租賃仲要唔止租飛機咁簡單，早前公佈，中國飛機租賃喺哈爾濱太平國際機場建立咗飛機拆解中心，中心面積約300,000平方米，並係中國首個專門建造嘅飛機拆解中心，2017年初開始營運，中心預計一年可以拆到20架飛機，一方面可以將高價值嘅零件拆落嚟出售賺一筆，另一方面，可以將舊客機改裝成貨運機，租畀物流公司又再賺一筆，做到租機，維修，拆售一條龍，市值點會只值63億？有鑑於之前有一段升幅，小弟建議$8.8附近可以入，中長線睇$13蚊！

$中国光大控股(00165)$ $中银航空租赁(02588)$