资本市场喜欢故事，为了故事而去扭曲原有经营模式，用索罗斯理论解释，是市场错误定价反过来影响基本面。这也是很多高手不玩新股的原因。转发评论有感。
--
貴價茶餐廳翠華（1314）2012年底招股，向來惜字如金的芬佬朋友當日聽完推介會，只畀了一句comment：「唔…（上市後）升到一排既，不過呢間公司本身唔應該上市囉！」
事關以茶餐廳如此經營繁瑣、難標準化而又人手密集的生意來講，本質上好難做大。翠華當日僅得26間分店，卻要用高估值上市，很難說服投資者其11次的平均翻枱率仲有大幅提升空間，所以翠華無得揀，要向投資者sell「中國夢」，即大舉擴張，仲要係以每年幾十個巴仙速度嗰隻。結果翠華當年成功用上限價2.27元掛牌，即使會削弱賺錢能力，但仍堅持大量開舖，犧牲利潤率以換取短期增長。結果頭一年如願以償，翠華股價在2014年1月高見5.3元的歷史高位，以主席李遠康為首的一眾大股東，隨即把握時機，火速批股，以每股5蚊賣舊股拿拿臨套現6億，翠華當日上市都不過係集資7.6億而已。之後的發展唔使海迪多講，配股後，翠華增長急速放緩，營運質素亦急轉直下，純利率由上市前的14%，跌到最新的3.8%。股價當然也一瀉如注，近日創新低1.2元，高位至今累跌近80%。思捷（330）做到既野，雖然規模細啲，但翠華3年半就做完了。事後看來，李老板果真眼光獨到，高瞻遠矚。睇返近日翠華對於納空租一年予老闆娘的解畫，以及公司仲堅持2017年前要擴張30%的目標，無論你仲信唔信中國夢，海迪都會建議將呢間公司列入黑名單。海迪