$工盖有限公司(01421)$ 本地財經雜誌《港股策略王》最新報道，沽空機構Glaucus只是事件的導火線，指事件背後，實為大戶以「種金」方式呃經紀散貨。\r\n報道指，由於經紀一般可向所屬證券行借貸，年息8厘。大戶於是建議經紀「做人頭」代持貨，大戶向經紀付年息24厘，經紀輕鬆賺16厘。報道指，有經紀以私人名義，買入5000萬元股票，每月因此淨袋66.6萬元。\r\n然而事實上，一邊廂大戶叫經紀買貨，另一邊廂大戶卻沽貨。大戶沽貨賺到錢，就有錢向經紀派年息24厘「高息」，操作手法如同「種金」。\r\n今次Glaucus報告，只屬意外，但卻令股價大跌，令德普即時出現「人踩人」慘劇。當股價大跌，由於是經紀私人持股，因此要自己上身。報道指，有一經紀因此輸半億元，亦有經紀輸過千萬元。至於大戶由於自己冇上身，所以大戶不死，可以輕鬆走人，亦無須再支持利息。\r\n雖然外界有指，大戶亦被證券行斬倉，但消息指此舉純為「做畀人睇」，甚至可能現時仍在沽貨。\r\n\r\n點睇生果呢個報導?