$渖阳公用发展股份(00747)$是宝藏,还是陷阱?请看以下的一段报道:上周三晚俾小弟見到一份好得意嘅配股通告,睇完先知係好嘢,呢間就係瀋陽公用(747,下稱瀋公)。佢份通告話要配售8,408萬股新H股,集資淨額1.05億元,不過得意嘅係,個配售價唔可以較配股當日收市同埋之前五個交易日平均價有超過20%折讓,但同時又唔可以低過1.26元。照計數,假設佢哋就係以1.26元做配股,即係做配股嗰日同埋之前五日嘅股價,起碼都要1.51元之上。現價先係0.66元,嘩!潛在升幅超過一倍!大家會問,佢現價先得0.66元,但點解配股價要set得咁高?答案好簡單,因佢係H股,而H股嘅面值係每股1元人仔,即1.26港元,但配新H股係唔可以低過面值嘅!雖然今次嘅配售協議有效期係去到今年底,但小弟估佢唔會太遲做,因為新大股東內地大型民企中國金馬控股集團已經做緊嘢,先係宣佈將瀋公改名做「深圳市金馬控股發展」,同時又空降一大批人入公司做董事,擺明已經「坐正」啦!民企金馬借殼上市中國金馬借瀋公個殼,都已經搞咗一段時間,翻查資料,瀋公近幾年已經歷兩次股權變動,先係2009年9月,有間叫北京明德嘅公司投得佔瀋公58.8%股權嘅內資股份,但由於北京明德唔可以持H股,所以當時就由金勞詹公子詹劍崙有份持股嘅公司,向H股股東提出全購。事隔三年,北京明德又將呢批內資股賣畀深圳金馬資產管理,又同樣搵詹公子以每股0.214元提全購,單收購已喺年初完成,雖然街外有4.18億股H股,但最終詹公子只以阿媽身份持142萬股H股,其他股份去咗邊?即係條街冇晒貨囉,隨時又可以做嘢!至於中國金馬,都來頭唔細,純睇公司簡介,涉及嘅業務範圍好多,有金融、地產、物流、旅遊等,業務遍佈差唔多成個內地,既然金馬將瀋公個名改得做「深圳市金馬」,估計他日注入喺深圳內房同基建項目嘅機會唔細,但注資要錢,所以更加有誘因同必要性做呢次配股,買定等炒上配股嘅值博率好高。网页链接-----------------------------------------------------------------------注:以6月7日的收市价(0.86)去算,如果上述的情况属实,也起码有50%的上升空间! 但这股是否老千股?是不是引人上吊的陷阱? 就要你自己去判断!@岁寒知松柏 @管我财 @Ten-Bagger @只差一步 @greatsoup