$香港电视(01137)$ 讀了很多球友的精彩觀點，我是由衷地佩服大家對hktvmall的市場定位、物流、營運的熱情和熟悉。在此我又加幾句意見啦-
-十年後我唔敢講hktvmall一定贏，贏既可能係tmall，但係百佳惠康係肯定會長存既，輸家會係領展同一班商場收租佬。
-網購呢一刻對傳統零售或者有成本優勢，但係舖租平番既話，傳統零售既價格競爭力就會返黎。所以長期黎講網購唔會有價格優勢。
-網購最大既優勢得一樣， 方便。由南區到天水圍到西貢，周圍都有中產住，但係sogo/apita係兩三間，一田Aeon都係十間八間，為左買幾樣野就要搭車出去，最貴唔係慳十蚊八蚊而係時間。
-隨著網購行業成熟左，就會有大把人入場投資。hktvmall就算食到個餅既大部分，都唔好諗有一個好高既net profit margin，我諗最多係5%- 太高既話，百佳惠康就會同領展講減租加埋諗自動化同你死過。
-如果十年後hktvmall做到50000張單，每張單700蚊，每年營業額約莫120億。5%margin就係6億盈利。
-但係其實，成盤生意最好搵唔係賣野，而係消費信貸同金融。
-依家信用卡交易收費大約3%到。如果有辦法將3%賺埋，唔俾卡公司同銀行賺，理論上未扣開支同利息成本，3%就係你既additonal margin。
-我諗正因為咁，王生突然口痕講話要做ewallet。ewallet本身係唔賺錢既，但係你吸引到人搬錢去你既wallet度就係第一步。而下一步，就係俾人用ewallet借錢買hktvmall既野-大數據就呢一刻可以做埋信貸管理。有得做消費性信貸，自然就有得罰高息啦哈哈...
-呢樣真係唔係新鮮野：淘寶冇螞蟻金服咁賺錢，而Aeon賺錢定Aeon信貸賺錢。成熟之後，hktvmall金融一定唔會輸俾網購。